Yoga egiteak izugarrizko onurak  ekartzen ditu haurren garapen  prozesuan.

Yogaren praktikarekin, haurrek beraien oreka, armonia eta osasunarekin topo
egin eta ondorioz jarrera baikorrak adierazten dituzte. Fisikoki,  bizkarrezurra zuzendu eta indartu, artikulazioak arindu, nerbio sistema orekatu, arnasa ongi hartzea ikastean odolaren oxigenazioa handitu eta  liseriketa, zirkulazio eta endokrino sistemak bizkortzen ditu.
Emozionalki, lasaitasuna, baretasuna, oreka eta ongi egotea ekartzen du.

Mentalki berriz, kontzentrazioa, memoria eta imajinazioa hobetzeaz gain, norberagan konfidantza eta ziurtasuna bultzatzen ditu.