Lehenik eta behin, gomendio batzuk: jarri ezazu arropa erosoa,  galtzerditan edo hankutsik hobe, saiatu zaitez klasea baino bi ordu lehenago gutxienez ezer ez jaten eta ez ahaztu komunera joateaz hasi baino lehen.

Hatha Yoga Saioa

Gogoan izan zure gorputzarekin egiten duzula lan, bakarra da eta beste edozeinen gorputzaren desberdina. Horregatik begiak ixten badituzu hobe kontzentratuko zara zure lanean.

Saio guztietan hiru oinarrizko gauza hauek lantzen dira: 

> PRANAYAMA (arnasketa ariketak) arnasketaren jabe egitea ez da bakarrik airearen joan-etorria menderatzea, gure alde fisiko emozional eta mentalak zuzentzen dituzten energiak orekatzeko  aukera izatea baizik.

> ASANAk (jarrerak)  Kontorsionismo ariketa hutsak badirudite ere, gure gorputzari proposatzen dizkiegun jarrera oso bereziak dira, honen sakonera,
gaitasunak eta mugak ezagutzeko.

Hauen bitartez giharren malgutasuna eta artikulazioen biguntasuna lantzen ditugu, arnasteko gaitasuna hobetzen dute, odol zirkulazioa bizkortzen dute dute, bizkarrezurra askatzen dute eta
nerbio eta guruin sistemak erregulatzen dituzte. Bestalde, introspekzio lana errazten dute, bizi poztasuna ematen diguten jarrera positiboagoak eta zuzenak sortzen.