Batzuk uste dute YOGA gimnasia edo ariketa fisiko mota bat dela, forma onean egoteko eta bizitasuna eta osasuna izateko; beste batzuk erlijio edo filosofia batekin erlazionatzen dute, besteek ordea, pentsatzen dute buruaren potentziala garatzen duen sistema psikologiko bat dela.

Zer da Yoga?

YOGA esentzialki estatu bat da. “Yoga” hitzaren jatorria kontuan hartzen badugu eta mendebaldean ezagutzen dugun Itun Berrian agertzen den “yugo edo uztarri” hitza, Sanskritoko “yugat” jatorri berbera dute. Hitz biek elkartu edo elkartasuna esan nahi dute. Yoga indibiduoaren kontzientzia eta kontzientzia infinituaren arteko elkartasuna da. Beste era batean esana, yoga,
norberaren esentziarekin elkartasun kontzientea da.
Eta egoera edo estatu hori lortu duena Yogia da.
Praktikan gertatzen dena da, yogaren zientziak ongizate fisikoa eta oreka emozionala eta mentalaz hornitzen gaituzten teknikak dituela. Jarrerek indarra garatzen dute, malgutasuna eta bizitza-luzera; pranayama bezalako beste ariketa batzuk emozioak lasaitzen dituzte eta burua garatzen dute. Barrualdea eta kanpoaldea orekatzean, gure adimenaren sormen kanalak irekitzen laguntzen digute, eta bizitza-jarrera positiboak eta zuzenagoak sortzen; azken finean, alaitasuna eta bizi-poztasuna ematen digute. Meditazioa bezalako beste teknika sakonagoek, norberaren ezagutze lan horretan sakontzea ahalbidetzen digute, meditazioan gauzatzen baita norberaren izatearen esentziarekiko benetazko elkargunea.

Yogaz hitz egitea, gizakiari buruz hitz egitea besterik ez da.
Yogak NORBERAREN EZAGUTZARA gonbidatzen gaitu, gainazaletik sakonera  handienera.